2017年4月25日 星期二

炸洋蔥圈




~又黎炸物喇~唔知大家平時最愛食咩炸物呢 ??? 袁生袁太呢兩個炸物怪幾乎所有炸物都喜歡 , 某日就去左街市簡單買左兩紫一黃的洋蔥 , 用新鮮洋蔥整熱辣辣的炸洋蔥圈 , 大家開始流口水未呢 ......



其實袁太都有個疑問 , 袁生平時係一個唔食洋蔥的人 , 每次用洋蔥來炒 , 來炆佢一向唔食 , 但如果用洋蔥整洋蔥圈的話 , 佢就好鬼鐘意食 , 鐘意的程度仲勁過我呀 , 真係諗極都唔明



炸洋蔥圈係一樣材料簡單而步驟亦都非常簡單的小食 , 當買左洋蔥回家 , 加上麵粉 , 蛋液及麵包糠就可以 , 唔駛好長時間一個個圓圓的洋蔥圈就完成 , 袁太一路炸 , 袁生就在旁邊一路偷食 , 剛剛炸起熱辣辣 , 絕對係最好食的時候 , 不過當然要小心燙口 , 今次仲簡單預備左沙律醬同茄汁兩款 , 我就例牌一定沾沙律醬 , 袁生就反而喜愛沾茄汁 , 唔知大家又喜愛沾什麼醬用來配洋蔥圈呢 ^^



材料 : 黃洋蔥 , 紫洋蔥 , 雞蛋 , 麵粉 , 麵包糠 , 鹽 , 黑胡椒碎 , 冰水




洋蔥去皮後橫切成圈 , 用水沖一沖洗乾淨 , 放入大煲內加冰水浸過面30分鐘 , 再將洋蔥圈瀝乾水份









將雞蛋打出 , 加入少許鹽及黑胡椒碎打成蛋液 , 器皿內放一張保鮮紙墊底 , 洋蔥圈逐一沾上麵粉 >> 蛋液 >> 麵包糠 , 將沾好的洋蔥圈放入器皿內 , 再灑上適量的麵包糠 , 蓋上保鮮紙放入冰箱冷藏1小時


















冷藏1小時後從雪櫃取出靜待10分鐘 , 鑊中加少許油燒熱 , 放入洋蔥圈用慢火以半煎炸的方式成金黃色 , 盛起放在廚紙吸取油份後放上碟即可










材料
黃洋蔥1個 , 紫洋蔥2個 , 雞蛋2隻 , 麵粉 , 麵包糠 , 鹽 , 黑胡椒碎 , 冰水



做法
1. 洋蔥去皮後橫切成圈 

2. 用水沖一沖洗乾淨 , 放入大煲內加冰水浸過面30分鐘 , 再將洋蔥圈瀝乾水份

3. 將雞蛋打出 , 加入少許鹽及黑胡椒碎打成蛋液 

4. 器皿內放一張保鮮紙墊底 

5. 洋蔥圈逐一沾上麵粉 >> 蛋液 >> 麵包糠 , 將沾好的洋蔥圈放入器皿內 

6. 再灑上適量的麵包糠 , 蓋上保鮮紙放入冰箱冷藏1小時

7. 冷藏1小時後從雪櫃取出靜待10分鐘 

8. 鑊中加少許油燒熱 , 放入洋蔥圈用慢火以半煎炸的方式成金黃色 

9. 盛起放在廚紙吸取油份後放上碟即可 




熱辣辣的炸洋蔥圈 , 雖然係有少許熱氣 , 但真係食到唔停得口 , 做下午茶或派對小食就最適合呢 ^^




18 則留言:

  1. 呢個好吸引,但比較熱氣

    回覆刪除
  2. 金金黃黃好味道好脆口呀

    回覆刪除
  3. 香口食物我啱喎

    回覆刪除
  4. 正呀, 如果係肥人, 肥人都會係袁太一邊炸一邊偷食呀, 哈哈!

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......