2017年1月10日 星期二

蒜蓉豆豉醬蒸雞翼




蒜蓉豆豉醬一向都係我好的最愛 , 無論用來蒸魚 , 蒸肉或豆腐都來者不拒 , 多多碗飯都食得落 , 但心中有疑問 : ~蒜蓉豆豉~ 係蔬菜方面是否一定要配涼瓜 ??? 海鮮方面是否一定要配帶子 ??? 扇貝 ??? 倉魚 ??? 肉類方面是否一定要配排骨 ......



其實大家有冇發覺袁太平時係會好少煮排骨呢 , 唔怕同大家講 , 大家有否發覺袁太好少會煮排骨 , 豬肉類多數都係煮豬扒或者腩肉多 , 其實偷偷同大家講 , 我唔係好識買排骨架 , 曾經係超市買過(唔好吃) , 亦曾經係急凍店買排骨粒(又是唔好吃) , 大家一定會同袁太講 , 買排骨當然去豬肉店 , ~哈~ I Know 呀~~~ , 不過每次同豬肉哥哥話買排骨 , 用來蒸的 , 回家蒸好後發覺肉質硬過我條命 , 而且仲乾過我荷包 , 自此唔敢再買



所以今次轉用雞翼去蒸 , 估不到蒜蓉豆豉配雞翼都非常惹味 , 雞肉好嫩滑 , 而且豆豉醬好香 , 用汁料撈飯都相當一流 , 袁生平時一餐只會食三 , 四隻雞翼的人 , 今次一口氣都食左八隻咁多 , 攪到袁太幾乎冇得食呢 ^^ 



材料 : 雞中翼 , 蒜蓉豆豉醬 , 蒜蓉 , 薑 , 蔥 , 酒 , 鹽 , 糖 , 雞粉 , 麻油 , 胡椒粉 , 辣椒



雞翼沖洗乾淨及瀝乾 , 豆豉剁碎 , 蒜蓉去衣切細粒 , 薑切細粒及絲 , 辣椒切粒 , 蔥切粒 , 將雞翼放入大碗內 , 加入薑絲 , 雞粉及醃料拌勻靜待1小時



















燒紅鑊 , 先爆香蒜粒及豆豉醬 , 加入薑粒及辣椒炒至香噴噴後熄火 , 再加入蔥粒(留起少少蔥粒最後用)拌勻盛起備用












將雞翼放入碟或器皿內 , 淋上適量的豆豉醬 , 放入電蒸鍋內蓋上蓋蒸12分鐘 , 蒸雞翼期間將所有調味料拌勻 , 雞翼蒸好後唔好開蓋再焗5分鐘











取出雞翼倒去多餘汁料 , 淋上調味料 , 最後灑上餘下蔥粒即可









材料 
雞中翼10隻 , 蒜蓉豆豉醬 , 蒜蓉 , 薑 , 蔥 , 酒 , 鹽 , 糖 , 雞粉 , 麻油 , 胡椒粉 , 辣椒2隻

醃料 
生抽 , 老抽 , 鹽 , 糖 , 酒 , 麻油 , 胡椒粉

調味料
生抽 , 老抽 , 糖 , 油



做法
1. 雞翼沖洗乾淨及瀝乾

2. 豆豉剁碎 , 蒜蓉去衣切細粒 , 薑切細粒及絲 , 辣椒切粒 , 蔥切粒

3. 將雞翼放入大碗內 , 加入薑絲 , 雞粉及醃料拌勻靜待1小時

4. 燒紅鑊 , 先爆香蒜粒及豆豉醬 , 加入薑粒及辣椒炒至香噴噴後熄火

5. 再加入蔥粒(留起少少蔥粒最後用)拌勻盛起備用

6. 將雞翼放入碟或器皿內 , 淋上適量的豆豉醬 , 放入電蒸鍋內蓋上蓋蒸12分鐘

7. 蒸雞翼期間將所有調味料拌勻

8. 雞翼蒸好後唔好開蓋再焗5分鐘

9. 取出雞翼倒去多餘汁料 , 淋上調味料 , 最後灑上餘下蔥粒即可 
  



雞肉嫩滑配上濃郁的汁料 , 給我一碗白飯已經好足夠 , 剩下的蒜蓉豆豉醬 , 下次簡單用來蒸豆腐都好好味呢 ^^




23 則留言:

  1. 用黎蒸雞翼一定好惹味

    回覆刪除
  2. 蒜蓉豆豉醬蒸雞翼一定好好味

    回覆刪除
  3. 只見蒜蓉豆豉醬都流口水呀

    回覆刪除
    回覆
    1. 我都係呀,一路炒一路流口水呀

      刪除
  4. 好惹味,一流呀

    回覆刪除
  5. 蒜蓉豆豉醬入面有辣椒正呀

    回覆刪除
  6. 我細時唔鍾意食蒜蓉豆豉,依家就任何蒜蓉豆豉煮的都會食

    回覆刪除
    回覆
    1. 同我一樣喎,我細個都唔太鐘意架

      刪除
    2. 不過而家就變左我的最愛

      刪除
  7. 蒜蓉豆豉我都係蒸魚、蒸排骨多,下次學下你先~~

    回覆刪除
    回覆
    1. 我就係覺得成日用黎蒸魚或蒸排骨,有d悶呢

      刪除
  8. 好野味呀~~~
    蒸排骨用腩排會好D架, 阿媽教~

    回覆刪除
    回覆
    1. 我試過買腩排架,不過蒸完都係硬既

      刪除