2017年1月11日 星期三

雙菇燕麥粟米粥




最近天氣又稍為涼番少少 , 不過又見有少少太陽 , 都拿拿臨洗d比較厚的褸 , 可以等太陽吹下自然乾 , 天氣涼我又想食粥 , 突然想起百寶箱有隻粒草菇 , 廚櫃又有盒一早想消滅的粟米蓉 , 咁就可以簡簡單單煲啖粥食下 ......



快快手浸幾隻冬菇 , 呀 ~~~ 百寶箱仲有少少雞湯剩 , 雞湯又係前幾日煲定一大煲 , 閒時鐘意用來煮餸又好 , 滾湯又好 , 總知有好多用途 , 最重要係自己煲雞湯 , 一定健康無添加 



其實回想袁太為何喜愛入廚 ???



大家又估唔估到以前的袁太煮野 , 絕對係超難食 , 係可以令妳放入口會即刻吐都吐唔切出黎 ,  不過而家就唔同呢 , 雖然平時煮野唔係話有好勁的創意 , 起碼由難食的程度升級至人人都覺得滿意的味道 , 而且慢慢漸漸覺得入廚係一件好得意的事 , 可以將普通到極點的材料 , 炮製出一種美食出來 , 呢d野係咪只喜愛入廚的朋友仔們先會明白 ??? 



唔好以為袁太煲左咁大煲會同袁生分享 , 大家唔好傻喇 , 袁生係唔喜愛食粥或湯飯 , 呢一大煲袁太一個人食晒 , 望就好似好多份量 , 其實只不過係兩大碗咁大把 , 食下一啖 , 食下又一啖 , 好快就食完 , 而且加左燕麥入去一齊煮 , 感覺好健康呢 ^^



材料 : 珍珠米 , 冬菇 (預先浸軟,浸菇水留用) , 草菇 , 雞湯 , 雞蛋(冇入鏡) , 薑 , 粟米蓉 , 鹽 , 胡椒粉 , 即食燕麥 , 粟米粒




珍珠米用水洗淨 , 瀝乾水份放入大碗內 , 加油及少許鹽拌勻 , 再加入水浸過面靜待30分鐘 , 雞蛋只留蛋白備用 , 草菇沖洗乾淨抹乾 , 連冬菇分別切粒 , 薑去皮切細粒















煲內加少許油燒熱 , 放入冬菇粒 , 草菇粒及薑粒爆香 , 加入浸菇水 , 雞湯及2500ml水 , 用中火煮滾後 , 蓋上蓋繼續用中火煮30分鐘至出味 , 期間要睇火小心滾瀉















粟米粒用水沖洗及瀝乾 , 浸30分鐘的珍珠米倒去水份瀝乾







30分鐘後加入粟米蓉 , 珍珠米及粟米粒拌勻煮滾 , 蓋上蓋轉慢火煲20分鐘 , 期間小心滾瀉 , 每5分鐘攪拌材料以免黏底













最後加入即食燕麥及雞蛋白拌勻 , 再加少許鹽及胡椒粉調味 , 轉用大火再煲滾即可









 


 
材料
珍珠米3/4杯 , 冬菇(預先浸軟,浸菇水留用)5隻 , 草菇 , 雞湯250ml , 雞蛋(冇入鏡)1隻 , 薑 , 粟米蓉 , 鹽 , 胡椒粉 , 即食燕麥2湯匙 , 粟米粒



做法
1. 珍珠米用水洗淨 , 瀝乾水份放入大碗內 , 加油及少許鹽拌勻

2. 再加入水浸過面靜待30分鐘

3. 雞蛋只留蛋白備用 , 草菇沖洗乾淨抹乾 , 連冬菇分別切粒 , 薑去皮切細粒

4. 煲內加少許油燒熱 , 放入冬菇粒 , 草菇粒及薑粒爆香

5. 加入浸菇水 , 雞湯及2500ml水

6. 用中火煮滾後 , 蓋上蓋繼續用中火煮30分鐘至出味 , 期間要睇火小心滾瀉

7. 粟米粒用水沖洗及瀝乾 , 浸30分鐘的珍珠米倒去水份瀝乾

8. 30分鐘後加入粟米蓉 , 珍珠米及粟米粒拌勻煮滾

9. 蓋上蓋轉慢火煲20分鐘 , 期間小心滾瀉 , 每5分鐘攪拌材料以免黏底

10. 最後加入即食燕麥及雞蛋白拌勻

11. 再加少許鹽及胡椒粉調味 , 轉用大火再煲滾即可 




簡單美味又有益的燕麥粟米粥 , 食一大碗都好飽肚呢 ^^



24 則留言:

  1. 我老公同袁生一樣吾喜歡食粥, 你這個粥正啊! 👍🏻

    回覆刪除
    回覆
    1. 係咪大部份男人都唔太愛食粥既呢

      刪除
  2. 加入燕麥片好健康

    回覆刪除
    回覆
    1. 平時d燕麥片買左番黎一定冇人食,最好用黎煮餸呢

      刪除
  3. 王子唔肯食粥,我通常係獨食㗎

    回覆刪除
    回覆
    1. 袁生又係唔鐘意食粥,有時迫佢都唔食,係咪大部份男人都唔鐘意食粥?

      刪除
  4. 我老公都唔係咁鐘意食粥,我同袁太一樣每次煲粥都係自己食晒

    回覆刪除
    回覆
    1. 好多男人係咪都唔喜愛食粥?

      刪除
  5. 曾經失敗唔緊要,最重要而家煮得好就得呢,證明袁太廚藝係掂既

    回覆刪除
  6. 呢個粟米粥有益健康又好味,我搵日都煲啖粥食下呢

    回覆刪除
    回覆
    1. 好呀,希望mickey會喜歡呢個粥呢

      刪除
  7. 好健康呀...我都好喜歡加粟米落粥度呢~

    回覆刪除
  8. 我老公唔LIKE 食粥~所以我哋好少可煲架~

    回覆刪除
    回覆
    1. 係咪大部份男人都唔愛食粥?

      刪除